Azərbaycan musiqisinin sevilən simalarından biri olan Könül Kərimli sabah həm doğum gününü, həm də yaradıcılığının yeni uğurunu qeyd etməyə hazırlaşır. Sənətçi özəl günündə pərəstişkarlarına böyük bir sürpriz, “Kraliça” adlı yeni mahnısını və klipini təqdim edəcək.
Sənətçi bildirib ki, bu layihə çərçivəsində uzun müddətdir böyük sevgi və yüksək səviyyədə çalışılıb. Adı ilə iddialı olan “Kraliça” mahnısı həm ritmik quruluşu, həm də fərqli vizual həlli ilə dinləyicilərə yeni bir nəfəs gətirəcək.
Könül Kərimli bu barədə belə qeyd edib:
"Mənim üçün ən böyük hədiyyə dinləyicilərimin sevgisidir. İstədim ki, bu doğum günündə hədiyyəni mən onlara verim.
Qeyd etmək lazımdır ki, mahnı sabahdan bütün rəqəmsal platformalarda və sənətçinin rəsmi "YouTube" kanalında izləyicilərin ixtiyarına veriləcək. Biz də Könül xanımı təbrik edir, ona həm şəxsi həyatında, həm də sənət yolunda yeni-yeni zirvələr arzulayırıq!