Azərbaycanın sevilən blogeri Arif Cesur yaradıcılığında yeni səhifə açır. Son günlər sosial mediada izləyicilərini maraqda saxlayan bloger, rəsmi olaraq Türkiyəyə iş səfərinə yola düşdüyünü bəyan edib.
Əldə etdiyimiz məlumata görə, bu səfər sadəcə gəzinti xarakteri daşımır. Arif Cesur İstanbulda qardaş ölkənin bir neçə tanınmış media qurumları və rəqəmsal platforma rəhbərləri ilə görüşəcək. Blogerin yaxın ətrafından sızan xəbərlərə görə, onu Türkiyənin böyük layihələrindən birində (şou və ya serial formatında) görmək ehtimalımız olduqca yüksəkdir.
Arif Cesur özü isə mövzu ilə bağlı qısa olaraq bunları bildirib:
"Həmişə demişəm ki, dayanmaq olmaz. Azərbaycanı kənarda da ən yaxşı şəkildə təmsil etmək və izləyicilərimə daha keyfiyyətli məzmun təqdim etmək üçün bu addımı atdım. Sürprizlərim çoxdur, tezliklə hər kəs görəcək!"
Xatırladaq ki, Arif Cesur öz səmimiyyəti və özünəməxsus yumor hissi ilə qısa zamanda minlərlə insanın rəğbətini qazanıb. İndi isə o, bu enerjini İstanbulun böyük layihələrinə daşımağa hazırlaşır.